Գառնի համայնքի պատվիրակության այցը Չինաստանի Դունհուան քաղաք

14 հոկտեմբերի, 2025

Հոկտեմբերի 11-14-ը չինական կողմի հրավերով տեղի է ունեցել ՀՀ Կոտայքի մարզի Գառնի համայնքի ղեկավար Տիգրան Պողոսյանի գլխավորած պատվիրակության այցը ՉԺՀ Գանսու նահանգի Դունհուան քաղաք։

Այցի ընթացքում պատվիրակությանն ընդունել է Դունհուան քաղաքի ժողովրդական կառավարության քաղաքապետ Ճու Ծիանծունը։ Իր խոսքում վերջինս ընդգծել է մշակութային հարուստ պատմություն ունեցող Գառնի համայնքի և հին Մետաքսի ճանապարհի կարևորագույն հանգույց հանդիսացած Դունհուան քաղաքի միջև կապերի ստեղծման կարևորությունը և դրանց խորացման անհրաժեշտությունը։ Գառնիի համայնքապետը, շնորհակալություն հայտնելով հրավերի և ջերմ ընդունելության համար, մատնանշել է երկու բնակավայրերում էլ UNESCO-ի մշակութային ժառանգության ցանկում ընդգրկված օբյեկտների առկայության փաստը։ Նա իր չինացի գործընկերոջը հրավիրել է այցելելու Գառնի համայնք։

Հոկտեմբերի 13-ին տեղի է ունեցել «Քաղաքապետերի գլոբալ երկխոսություն – Դունհուան 2025» ֆորումը, որի բացման արարողությանը ելույթով հանդես է եկել Գառնիի համայնքապետը։

Բացման արարողության ընթացքում Գառնիի համայնքապետը և Դունհուանի քաղաքապետը Ճու հանդիսավոր կերպով ստորագրել են «Հայաստանի Հանրապետության Կոտայքի մարզի Գառնի համայնքի և Չինաստանի Ժողովրդական Հանրապետության Գանսու նահանգի Դունհուան քաղաքի միջև քույր քաղաքների հարաբերություններ հաստատելու մտադրության մասին նամակը»։

Այցի շրջանակներում պատվիրակությունն այցելել է Դունհուանի «այցեքարտը» համարվող Մոգաոյի քարանձավային համալիր և մի շարք մշակութային և զբոսաշրջային վայրեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր