Ս․թ․ օգոստոսի 6-ին ՉԺՀ-ում ՀՀ դեպանատանը տեղի ունեցավ հանդիպում-քննարկում «Հայաստանի ներդրումային հնարավորությունները» խորագրով

07 օգոստոսի, 2020

Ս․թ․ օգոստոսի 6-ին ՉԺՀ-ում ՀՀ դեպանատանը տեղի ունեցավ հանդիպում-քննարկում «Հայաստանի ներդրումային հնարավորությունները» խորագրով։

Հանդիպմանը ներկա էին շուրջ 10 տարբեր ընկերություններ, այդ թվում չինական խոշոր “Power China” և “Zhenhua” (ունի նաև E-commerce հարթակ) ընկերությունները ներկայացնող չին գործարարներ և ներկայացուցիչներ, որոնք հետաքրքված էին Հայաստանի հետ համագործակցությամբ։ Միջոցառմանը ողջույնի խոսքով հանդես եկավ ՉԺՀ-ում ՀՀ դեսպան Սերգեյ Մանասարյանը, նշելով, որ թեև Հայաստանն ունի փոքր շուկա, այնուամենայնիվ ներդրումային հնարավորություններն ավելի մեծ են՝ հաշվի առնելով նաև Հայաստանի ներգրավվածությունը ԵԱՏՄ միասնական շուկայում, ինչպես նաև ԵՄ հետ գործող GSP+ առևտրային ռեժիմը։

Դեսպանության դիվանագետ Մարիամ Հակոբջանյանը հյուրերին ներկայացրեց Հայաստանի տնտեսության և ներդրումային հնարավորությունների վերաբերյալ տեղեկատվական ելույթ, որից հետո, գործարարների պատվին կազմակերպված ընդունելության շրջանակներում, հյուրերը հնարավորություն ունեցան քննարկել առանձին նախագծեր և համագործակցության ծրագրեր։

Հանդիմպան ավարտին հյուրերին բաժանվեց Հայաստանի ներդրումային հնարավորությունների ինչպես նաև առաձին ծրագրերի մասին տեղեկություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր