Armenian Ambassador’s Visit to the Ningxia Hui Autonomous Region

12 հունիսի, 2025

Հունիսի 8-10-ը ՉԺՀ-ում ՀՀ դեսպան Վահե Գևորգյանն աշխատանքային այցով գտնվում էր Չինաստանի Նինսիա-Հուեյական ինքնավար շրջանի վարչական կենտրոն Յինչուան քաղաքում, որտեղ մասնակցել է Չինաստանի գինու մշակույթի և զբոսաշրջության 5-րդ միջազգային ցուցահանդեսին, որն այս տարի անց է կացվել «Concours Mondial de Bruxelles» (CMB) գինիների և ոգելից խմիչքների միջազգային մրցույթի 2-րդ հատվածի (կարմիր և սպիտակ գինիներ) հետ համատեղ, որտեղ ներկայացված էին նաև հայկական արտադրության գինիներ։

Այցի շրջանակներում ՀՀ դեսպանը հանդիպումներ է ունեցել նահանգի ղեկավարության հետ, այդ թվում՝ ՉԺՀ ՉԿԿ Նինսիա-Հուեյական ինքնավար շրջանի կուսակցական քարտուղար Լի Յիֆեի և նահանգապետ Ճան Յուփուի հետ, որոնց ընթացքում քննարկվել են ՀՀ-ի վարչատարածքային միավորների և Նինսիայի միջև ապակենտրոնացված համագործակցության ծավալմանն առնչվող հարցեր, ընդգծվել է գինեգործության ոլորտում համագործակցության և համատեղ ծրագրերի իրականացման կարևորությունը։

«Concours Mondial de Bruxelles» մրցույթին մասնակցելու նպատակով հունիս 11-12-ն աշխատանքային այցով Յինչուանում էր գտնվում ՀՀ էկոնոմիկայի նախարար Գևորգ Պապոյանը, ով մասնակցել է մրցույթի խորհրդանշանը Հայաստանին փոխանցելու հանդիսավոր արարողությանը։ Ծրագրվում է, որ «Concours Mondial de Bruxelles մրցույթը հաջորդ տարի կայանալու է Հայաստանում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր