Հայաստանի Հանրապետության անկախության 21-ամյակին նվիրված միջոցառում Պեկինում

21 սեպտեմբերի, 2012

Սեպտեմբերի 21-ին Չինաստանի Ժողովրդական Հանրապետությունում ՀՀ դեսպանությունում կազմակերպվեց ընդունելություն` նվիրված Հայաստանի Հանրապետության անկախության 21-ամյա տարեդարձին:

Հանդիսավոր միջոցառմանը ներկա գտնվեցին ՉԺՀ ԱԳՆ բարձրաստիճան պաշտոնյաներ, Պեկինում հավատարմագրված դիվանագիտական ներկայացուցչությունների ղեկավարներ, Չինաստանի գործարար շրջանակների և երկրի առաջատար զանգվածային լրատվամիջոցների ներկայացուցիչներ:

Ընդունելությանը ողջույնի խոսքով հանդես եկավ ՉԺՀ-ում ՀՀ դեսպան Ա.Սարգսյանը: Նա մասնավորապես նշեց, որ անկախության ձեռքբերումից ի վեր հայ ժողովրդի անցած ճանապարհը և պետականության կառուցման գործում ձեռքբերված փորձն աննափադեպ հնարավորություն են ընձեռում գալիք սերունդներին` էլ ավելի հզոր և եռանդուն Հայաստան կառուցելու համար: Իր ելույթում դեսպան Սարգսյանը հատուկ շեշտեց նաև հայ-չինական հարաբերությունների բարձր մակարդակը, ինչպես նաև անկախության առաջին իսկ օրերից ՉԺՀ կառավարության կողմից Հայաստանին ցուցաբերվող աջակցության կարևորությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր