Դեսպան Արմեն Սարգսյանի այցը Կորեա

17 հուլիսի, 2013

Կորեայի Հանրապետություն կատարած աշխատանքային այցի շրջանակներում հուլիսի 15-ին ՀՀ դեսպան Արմեն Սարգսյանը (նստավայրը՝ Պեկին) մասնակցեց ԿՀ արտաքին գործերի նորանշանակ նախարար Յուն Բյուն-սեի պատվին Սեուլում հավատարմագրված դեսպանների կողմից կազմակերպված աշխատանքային ճաշին:

Կորեայի արտաքին գերատեսչության ղեկավարը հանդես եկավ ծավալուն ծրագրային ելույթով՝ ներկայացնելով ԿՀ նոր ձևավորված կառավարության արտաքին քաղաքականության առաջնայնություններն ու առանձնահատկությունները: Միջոցառման ընթացքում դեսպան Ա.Սարգսյանը կարճատև առանձնազրույց ունեցավ ԿՀ ԱԳ նախարարի հետ և վեջինիս փոխանցեց ՀՀ ԱԳ նախարարի ողջույններն ու Հայաստան այցելելու հրավերը:

Այցի ընթացքում ՀՀ դեսպանը հանդիպեց Կորեայի ԱԳՆ Եվրոպայի բյուրոյի գլխավոր տնօրեն Հա Թաե-յուկի հետ: Քննարկվեցին երկկողմ հարաբերությունների զարգացման ուղղությամբ ձեռնարկվելիք քայլերը, երկուստեք կարևորվեց միջազգային կազմակերպություններում միմյանց ցույց տրվող աջակցությունը:

Սեուլ և Սուվոն քաղաքներում բնակվող ՀՀ քաղաքացիների հետ տեղի ունեցած հանդիպման ընթացքում քննարկվեցին վերջիններիս հուզող մի շարք հարցեր, այդ թվում՝ Կորեական թերակղզում հնարավոր պատերազմի դեպքում ՀՀ քաղաքացիների և նրանց ընտանիքների անվտանգության խնդիրները: Հանդիպմանը ներկա “Samsung” ընկերության հայ աշխատակիցների հետ մտքեր ու գաղափարներ փոխանակվեցին ՏՏ ոլորտում կորեական ընկերությունների հետ գործակցություն ծավալելու հնարավորությունների վերաբերյալ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր