Չինաստանում բացվել է հայ-չինական մեղվաբուծական համատեղ ձեռնարկության մասնաճյուղը

06 դեկտեմբերի, 2013

Չինաստանի Շանդուն նահանգի մայրաքաղաք Ցինանում դեկտեմբերի 6-ին մեծ հանդիսավորությամբ բացվել է "Անուշակ" հայ-չինական մեղվաբուծական համատեղ ձեռնարկության մասնաճյուղը:

Լինելով մեղվաբուծության բնագավառում աշխարհի առաջատար երկրներից մեկը, Չինաստանն այդուհանդերձ հետաքրքրված է Հայաստանի բարձրադիր գոտում աճող դեղաբույսերից ստացված օրգանիկ մեղրի ու տարբեր մեղվամթերքի համատեղ արտադրության և չինական շուկա դրանց ներմուծման հարցում:

Ողջունելով մասնաճյուղի բացման հանդիսավոր արարողության մասնակիցներին՝ Չինաստանում ՀՀ դեսպան Արմեն Սարգսյանը նշել է, որ "Անուշակի" փորձը լավագույն օրինակ կարող է հանդիսանալ նաև այլ ոլորտներում հայ և չինացի գործարարների միջև համագործակցություն հաստատելու առումով:

Հայաստանում արտադրված օրգանիկ մեղրի առաջին խմբաքանակն արդեն Չինաստանում է և շուտով կհասնի սպառողին:

Մեղվաբուծության և մեղվամթերքի արտադրության "Անուշակ" հայ-չինական համատեղ ձեռնարկությունը ստեղծվել է 2012թ. մարտին Երևանում: Ընկերությունն առաջինն է, որ ստացել է օրգանիկ արտադրության Եվրոպական և ԱՄՆ սերտիֆիկատներ, ինչը լայն հնարավորություններ է ստեղծում օրգանիկ մեղվաբուծության ակտիվ զարգացման և դրա արտադրանքի արտահանման համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր