Չինաստանում բացվել է Հայկական ազգային ցուցասրահ

16 հունիսի, 2016

2016թ. հունիսի 11-ին Չինաստանի Ճըձյանգ նահանգի Նինգպո քաղաքի ազատ առևտրի գոտու տարածքում տեղի է ունեցել Հայկական ազգային ցուցասրահի հանդիսավոր բացման արարողությունը։ Արարողությանը մասնակցել են ՉԺՀ-ում ՀՀ արտակարգ և լիազոր դեսպան Ս․Մանասարյանը, ք.Նինգպոյի քաղաքապետարանի աշխատակազմի գլխավոր քարտուղարը, Նիգպոյի ազատ առևտրի գոտու ադմինիստրացիայի ղեկավարությունը։ ՉԺՀ-ում ՀՀ արտակարգ և լիազոր դեսպան Ս.Մանասարյանը հանդես է եկել ելույթի խոսքով։ Շնորհավորելով և ողջունելով ցուցասրահի բացման նախաձեռնությունը, դեսպանը նշել է, որ սա հնարավոր է դարձել պետական և մասնավոր ոլորտների համընկնման և համադրման արդյունքում։ Պարոն Մանասարյանը հույս է հայտնել, որ սա հիմք կհանդիսանա մոտ ապագայում հայ-չինական մասնավոր գործարար կապերի ընդլանման, Հայաստանից Չինաստան արտահանման ծավալների աճի համար։ Նույն ազատ առևտրի գոտու տարածքում գործում են 16 այլ երկրների նմանատիպ ցուցասրահներ, հիմնականում Եվրոպայից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր