Դեսպան Սերգեյ Մանասարյանն իր հավատարմագրերն է հանձնել Մոնղոլիայի նախագահին

16 նոյեմբերի, 2016

Ս.թ. նոյեմբերի 15-ին Մոնղոլիայում ՀՀ դեսպան Սերգեյ Մանասարյանը (նստավայրը՝ Պեկին) իր հավատարմագրերի պատճենները հանձնեց Մոնղոլիայի ԱԳ նախարարի տեղակալ տիկին Բատմունխ Բատցեցեգին։

Ս.թ. նոյեմբերի 16-ին տեղի ունեցավ Մոնղոլիայի Նախագահ Ցախիագիյն Էլբեգդորժին ՀՀ դեսպան Սերգեյ Մանասարյանի հավատարմագրերի հանձնման պաշտոնական արարողությունը։ Արարողությանը հաջորդեց Նախագահի և դեսպանի կարճատև առանձնազրույցը։ Քննարկվեցին երկու երկրների միջև առևտրատնտեսական հարաբերությունների զարգացման հարցը։ Մոնղոլական կողմը առանձնահատուկ հետաքրքրություն ցուցաբերեց նորագույն և տեղեկատվական տեխնոլոգիաների ոլորտում համագործակցության զարգացման նկատմամբ։

Դեսպան Մանասարյանն առանձնազրույց ունեցավ նաև Մոնղոլիայի ԱԳ նախարար Ցենդ Մունխ-Օրգիլի հետ։ Դեսպանը հանձնեց ՀՀ ԱԳ նախարար Էդվարդ Նալբանդյանի հրավերը Ցենդ Մունխ-Օրգիլին՝ այցելելու Հայաստան։

Կողմերն ընդգծեցին, որ Խորհրդային Միության տարիների երկու երկրների միջև առկա է եղել համագործակցության բավական բարձր մակարդակ ինչպես տնտեսական, այնպես էլ հումանիտար ոլորտներում, որոնցից կարելի է նշել Մոնղոլիայից բազմաթիվ ուսանողների ուսանումը Հայաստանի ԲՈՒՀ-երում։ Զրուցակիցները համաձայնեցին, որ երկու երկրներն այսօր էլ ունեն համագործակցության մեծ պոտենցիալ, որը պետք է կյանքի կոչել։ Նախարար Մունխ-Օրգիլն ընդգծեց, որ Մոնղոլիան հետաքրքրված է Եվրասիական Միության հետ ազատ առևտրի համաձայնագրի ստորագրման մեջ և ակնկալում է Հայաստանի աջակցությունը հարցի դրական լուծման գործում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր