Մոնղոլիայում ՀՀ դեսպան Սերգեյ Մանասարյանը հանդիպում ունեցավ Մոնղոլիայի հայաստանյան բուհերի շրջանավարտների հետ։

18 նոյեմբերի, 2016

2016թ. նոյեմբերի 17-ին Մոնղոլիայում ՀՀ դեսպան Սերգեյ Մանասարյանը (նստավայրը՝ Պեկին) Ուլան Բատորում հանդիպում ունեցավ Մոնղոլիայի հայաստանյան բուհերի շրջանավարտների հետ։ Մասնակցեցին շուրջ 15 հոգի՝ հիմնականում Երևանի Կոմիտասի անվան պետական կոնսերվատորիայի շրջանավարտներ։ Ըստ վերջիններիս՝ Մոնղոլիայում բնակվող հայաստանյան շրջանավարտների թիվը շուրջ 30 է, որոնց թվում են նաև Երևանի պետական համալսարանի և նախկին Երևանի պոլիտեխնիկական ինստիտուտի շրջանավարտներ։ Վերջիններս ճանաչված են Մոնղոլիայում որպես բարձրակարգ մասնագետներ։ Պայմանավորվածություն ձեռք բերվեց մշտապես ուղիղ կապի մեջ լինել դեսպանության հետ, օգտագործել իրենց ներուժը Մոնղոլիայում հայկական մշակութային միջոցառումներ կազմակերպելու նպատակով, ինչպես նաև պայմանավորվածություն ձեռք բերվեց ստեղծել շրջանավարտների առցանց խումբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր