Հայաստանի մշակույթի օրեր Չինաստանում

15 սեպտեմբերի, 2017

Սեպտեմբերի 14-ին Պեկինի համերգասրահում տեղի ունեցավ «Հայաստանի մշակույթի օրեր Չինաստանում» միջոցառումը։ Նշված միջոցառման շրջանակներում ներառված էին «Արարատը հայի աչքերով» լուսանկարների ցուցադրություն, հայկական կոնյակի և գինիների համտես, «Տերյան մշակույթի կենտրոնի» կողմից պատրաստված հայկական ավանդական տարազների ներկայացում, հայկական ավանդական ոճով ձեռքի աշխատանքների ցուցադրություն, ինչպես նաև էթնո-ջազ ոճի համերգ «Գողթ» երաժշտական խմբի և մանկահասակ քանոնահարուհի Մերի Մուսինյանի կատարմամբ։

Միջոցառմանը ներկա էին ՀՀ մշակույթի փոխնախարար Ներսես Տեր-Վարդանյանի գլխավորած պատվիրակությունը, ՉԺՀ մշակույթի նախարարի օգնական պրն. Յու Ցյունը, սեպտեմբերի 11-15-ը Պեկինում ընթացող Դատախազների միջազգային ասոցիացիայի 22-րդ տարեկան համաժողովին և ընդհանուր ժողովին մասնակցելու նպատակով Չինաստանում գտնվող ՀՀ գլխավոր դատախազ Արթուր Դավթյանի ղեկավարած պատվիրակությունը, մի շարք երկրների՝ Չինաստանում հավատարմագրված դեսպաններ, բարձրաստիճան դիվանագետներ, ՉԺՀ մի շարք պետական հաստատությունների, ընկերությունների աշխատակիցներ։

Վերոնշյալի համատեքստում տեղի ունեցավ նաև ՀՀ մշակույթի փոխնախարար Ներսես Տեր-Վարդանյանի և ՉԺՀ մշակույթի նախարարի օգնական պրն. Յու Ցյունի հանդիպումը, որի ընթացքում քննարկվեցին երկուստեք մշակութային միջացառումների կազմակերպման և հետագա համագործակցությանն առնչվող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր