Պղնձաձուլության ոլորտում պայմանագրերի ստորագրում

19 դեկտեմբերի, 2017

Հայաստանում համատեղ պղնձաձուլարանի կառուցման և շահագործման ծրագրի շրջանակներում 2017թ. դեկտեմբերի 18-ին չինական «ՍԻԹԻՔ Գրուփ Քորփորեյշն» կորպորացիայի մաս կազմող «Սիթիք քընսթրաքշն» և «Սիթիք մեթլ» ընկերությունների մի կողմից և հայկական «Վալլեքս» խմբի ընկերությունների միջև մյուս կողմից Պեկինում ստորագրվեցին համագործակցության պայմանագրեր։ Պղնձաձուլարանի կառուցման վերաբերյալ պայմանավորվածությունը ձեռք էր բերվել դեռևս 2015թ. մարտի վերջին ՀՀ Նախագահ Սերժ Սարգսյանի՝ ՉԺՀ կատարած պաշտոնական այցի շրջանակներում։ Հայկական կողմից պայմանագրերը ստորագրեց «Վալլեքս» խմբի ընկերությունների նախագահ Վալերի Մեջլումյանը, չինական կողմից՝ վերոնշյալ չինական ընկերությունների նախագահները։ Ստորագրման հանդիսավոր արարողությանը հրավիրված էր նաև ՉԺՀ-ում ՀՀ արտակարգ և լիազոր դեսպան Սերգեյ Մանասարյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր