Հայտարարություն

10 փետրվարի, 2020

Հարգելի հայրենակիցներ,

Տեղեկացնում ենք, որ «Չարթերային թռիչքի իրականացման հնարավորության դեպքում Հայաստան մեկնել ցանկացողների գրանցման վերաբերյալ» դեսպանության տարածած հաղորդագրությանը մինչև նշված վերջնաժամկետն արձագանքել է ընդհանուր թվով 24 հոգի, իսկ վերջնաժամկետից հետո՝ ևս 2 հոգի։ Հաշվի առնելով դիմումների սակավաթիվ լինելը՝ չարթերային թռիչքի իրականացումը համարվել է ոչ նպատակահարմար։

Կրկին անգամ տեղեկացնում ենք, որ ներկա դրությամբ տարհանման ենթակա են միայն կարանտինի գոտում՝ Հուբեյ նահանգում գտնվող քաղաքացիները: Նշյալ նահանգում գտնվող և տարհանման ցանկություն հայտնած ՀՀ քաղաքացիները տարհանվել են։ Մնացած քաղաքացիները, որոնք հրաժարվել են տարհանումից, դեսպանության հետ շարունակական կապի մեջ են։

Հայաստան մեկնել ցանկացող քաղաքացիներին դեսպանությունը հորդորում է օգտվել կանոնավոր չվերթներից, որոնք գործում են Չինաստանի տարբեր քաղաքներից, իսկ տոմսերն առկա են ազատ վաճառքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր