Հայտարարություն

23 փետրվարի, 2020

Հարգելի հայրենակիցներ,

Տեղեկացնում ենք, որ փետրվարի 23-ի դրությամբ Չինաստանում բռնկված նոր տիպի կորոնավիրուսի (COVID-19) կապակցությամբ ՉԺՀ ազգային առողջապահական հանձնաժողովը հայտնել է, որ հաստատված է արդեն հիվանդացածների 78 766 դեպք (76 936-ը՝ ՉԺՀ-ում): Վարակվածներից 64 084 հոգին գտնվում է Հուբեյ նահանգում:

Հուբեյից դուրս վերջին օրվա մեջ գրանցվել է մեկ ամսվա մեջ ամենացածր ցուցանիշը՝ 18 վարակման դեպք: 21 նահանգում, այդ թվում՝ Պեկինում որևէ նոր վարակման դեպք չի գրանցել:

Չին պաշտոնատար անձինք և վարակաբանները նշում են, որ իրավիճակը բարելավվում է, սակայն Հուբեյի և այլ վայրերի կարանտինը չի թուլացվելու առաջիկա օրերին:

Չինական իշխանությունները կարգադրել են առանձին նահանգներում և քաղաքներում վերսկսել արտադրությունների և հասարակական սննդի և առևտրի կետերի աշխատանքները:

Եվս մեկ անգամ կոչ ենք անում այն ՀՀ քաղաքացիներին, որոնք չեն գրանցվել դեսպանությունում, իրենց տվյալներն ուղարկեն Armchinaembassy@mfa.am էլեկտրոնային հասցեով։

Որևէ նոր տեղեկության մասին դեսպանությունը կհայտնի լրացուցիչ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր