Հայտարարություն

28 փետրվարի, 2020

Հարգելի հայրենակիցներ,

Տեղեկացնում ենք, որ փետրվարի 28-ի դրությամբ Չինաստանում բռնկված նոր տիպի կորոնավիրուսի (COVID-19) կապակցությամբ ՉԺՀ ազգային առողջապահական հանձնաժողովը հայտնել է, որ վարակի բռնկումից սկսած հաստատված է արդեն հիվանդացածների 83 389 դեպք (78 824-ը՝ ՉԺՀ-ում), 36 436 հոգի ապաքինվել: Ներկա դրությամբ ՉԺՀ-ում առկա է 39 825 հոգի հիվանդ: Հուբեյ նահանգից դուրս 8,7 %։

ՉԺՀ 12 նահանգներ վերջին օրերում մեկ կամ երկու կարգով իջեցրել համաճարակային արտակարգ արձագանքման մակարդակը։

Հետևյալ նահանգներում համաճարակային արտակարգ արձագանքման մակարդակը իջեցվել է առաջինից երրորդ կարգի․

2020 թվականի փետրվարի 24-ից ՝ Շանսի նահանգ
2020 թվականի փետրվարի 24-ից ՝ Գուանսիի ինքնավար մարզը
2020 թվականի փետրվարի 25-ի ժամը 12: 00-ից` Անհուի նահանգ
Սինցզյան Ինքնավար Մարզի, 2020 թվականի փետրվարի 25-ի 24:00-ից
2020 թվականի փետրվարի 26-ին, ժամը 15: 00-ից, Ջիլին նահանգ
2020 թվականի փետրվարի 26-ի 00:00-ից` Ֆուջիանգի տարածքների մի մասում
2020 թվականի փետրվարի 28-ից Շաանսի նահանգ

Հետևյալ նահանգներում համաճարակային արտակարգ արձագանքման մակարդակը իջեցվել է առաջինից երկրորդ կարգի․

Փետրվարի 21-ին, 14:00-ից, Գանսուի նահանգ
Փետրվարի 22-ի երեկոյան 9-ից ՝ Լիաոնինգ նահանգ
Փետրվարի 23-ի ժամը 24:00-ից, Գուիզժո նահանգ
Փետրվարի 24-ին, 00:00-ից, Յունան
Փետրվարի 26-ին, 00:00-ից, Ֆուջիանգի որոշ շրջաններում
փետրվարի 25-ից ՝ Հանգժոուի որոշ մասերում

ԱՀԿ-ի փորձագիտական խումբը մեկնաբանելով Չինաստանի զսպման քաղաքականությունը, ընդգծել է, որ ՉԺՀ-ն կիրառում է տեխնոլոգիապես զինված և գիտական հենքի վրա իրականացվող մոտեցումներ, որոնք թույլ են տալիս հետևել ամեն մի դեպքի ծագման պատմությանը:

Երեկ՝ փետրվարի 27-ին Պեկինի քաղաքապետարանի կողմից հայարարվել է որոշակի խստացումների մասին կապված նահանգներից ժամանող քաղաքացիների հետ, որոնք պետք է 14-օրյա կարանտին անցնեն։ Այս կապակցությամբ հայտնում ենք, որ Չինաստանի տարբեր նահանգներից՝ բացառությամբ Հուբեյից Պեկին ժամանող օտարերկրացիները, որոնք դուրս են գալիս Չինաստանի սահմաններից որևէ արգելք չունեն։ Նույնը վերաբերում է նաև այն քաղաքներին (Գուանջոու, Շանհայ) որտեղով ՀՀ քաղաքացիները տրանզիտով տեղափոխվում են Մոսկվա, ապա Երևան։

Փետրվարի 27-ին Չինաստանի վարչապետը խորհրդակցություն անցկացրեց՝ նվիրված կրթօջախների աշխատանքների վերսկսմանը, համաձայն որի կրթական հաստատությունների աշխատանքերի վերսկսման համար դեռևս հստակ ժամկետներ չեն նշվում։ Եվս մեկ անգամ նշվեց, որ յուրաքանչյուր նահանգ ինքնուրույն է որոշելու վերոնշյալ հաստատությունների վերաբացման ժամկետը, կոչ արվեց ցուցաբերել զգուշություն և պահպանել անվտանգության միջոցները։

Տեղեկացնում ենք, որ ՀՀ քաղաքացիների շրջանում վարակվածներ չկան, Հուբեյ նահանգում գնվող ՀՀ քաղաքացիների հետ դեսպանությունը շարունակական կապի մեջ է։ Վերջիններս որևէ խնդիր չունեն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր