Հայտարարություն

02 մարտի, 2020

Հարգելի հայրենակիցներ,

Տեղեկացնում ենք, որ մարտի 2-ի դրությամբ Չինաստանում բռնկված նոր տիպի կորոնավիրուսի (COVID-19) կապակցությամբ Առողջապահության համաշխարհային կազմակերպությունը և ՉԺՀ ազգային առողջապահական հանձնաժողովը հայտնել են, որ վարակի բռնկումից սկսած հաստատված է արդեն հիվանդացածների 89 197 դեպք (80 026-ը՝ ՉԺՀ-ում), 45 110 հոգի ապաքինվել: Ներկա դրությամբ ՉԺՀ-ում առկա է 32,652 հիվանդ (30 543 մարդ Հուբեյ նահանգում): Տարածումը Հուբեյ նահանգից դուրս կազմում է 16,3%։

Երկուշաբթի զեկուցվել է 202 նոր վարակվածների մասին, ինչը սկսած հունվարի 22-ից օրեկան ամենացածր ցուցանիշն է: Ընդ որում, Հուբեյ նահանգից դուրս գրանցվել է վարակման միայն 6 դեպք: Չինաստանում հիվանդների մեջ մահացվածության տոկոսն իջել է մինչև 1․4% ցուցանիշը, իսկ ապաքինվածների ցուցանիշը հասել է 52․1%-ի:

Չին պաշտոնյաները նշում են, որ վարակը հաջողությամբ զսպված է և դրա դեմ պայքարը մտնում է վճռական փուլ: Միևնույն ժամանակ Առողջապահության համաշխարհային կազմակերպությունը հայտարարել է, որ կորոնավարակի գլոբալ տարածման դարձել է բավականին բարձր, թեև զերծ է մնում այն անվանել պանդեմիա:

ՉԺՀ երեք նահանգներում՝ Սիչուան (փետրվարի 26-ից), Ձյանսու (փետրվարի 25-ից) և Ճեծյան (մարտի 2-ից) 2-րդ աստիճանի է իջեցվել համաճարակային տագնապի արձագանքման մակարդակը, իսկ Ներքին Մոնղոլիայի ինքնավար շրջանում (փետրվարի 25-ից)՝ 3-րդ աստիճանի:

Ներկայումս Չինաստանի պետխորհուրդի միջգերատեչսական աշխատանքային խումբը ավելի վտանգավոր է համարում վարակի ներթափանցումը դրսից քան հենց ներսում տարածումը: Չի բացառվում նաև բարձր ռիսկի երկրներից այցելությունների համար սահմանափակումների հաստատումը:

Տեղեկացնում ենք, որ ՀՀ քաղաքացիների շրջանում վարակվածներ չկան, Հուբեյ նահանգում գնվող ՀՀ քաղաքացիների հետ դեսպանությունը շարունակական կապի մեջ է։ Վերջիններս որևէ խնդիր չունեն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր