Հայտարարություն

05 մարտի, 2020

Հարգելի հայրենակիցներ,

Վերջին օրերին նկատվում է ՀՀ քաղաքացիների՝ ՉԺՀ վերադարձի միտում, ինչի կապակցությամբ շատերին հետաքրքրում է ինքնամեկուսացման անցկացման անհրաժեշտության հարցը։ Այս առնչությամբ հայտնում ենք, որ ներկայումս 14-օրյա ինքնամեկուսացման պահանջը չինական իշխանությունների կողմից մնում է անփոփոխ, որոշումները կայացվում են քաղաքային և տեղական ինքնակառավարման մարմիննների կողմից։

Միևնույն ժամանակ նշենք, որ վերջին մի քանի օրերի ընթացքում վերոհիշյալ հարցը հատկապես արդիական է դարձել այն քաղաքացիների համար, ովքեր Չինաստան են ժամանում Իտալիայից, Կորեայից, Ճապոնիայից և Իրանից։

Մեր դիտարկումները ցույց են տվել, որ ինքնամեկուսացման վերջնական որոշումը կայացվում է ձեր մշտական բնակության հասցեի տեղական ինքնառավարման մարմնի՝ տնային խորհուրդի կամ համատիրության կողմից, որը պարտադիր է կատարման համար։

Կախված այն հանգամանքից, թե որ երկրից եք ժամանում, ինքնամեկուսացման պայմանները կարող են տարբերվել առ այն, որ տեղական ինքնակառավարման մարմինը՝ տնային խորհուրդը կամ համատիրությունը կարող են որոշել, թե որտեղ պետք է անցնի ինքնամեկուսացումը (տանը թե հատուկ նախատեսված վայրում), որը նույնպես պարտադիր է կատարման համար։

Իրավիճակի բարելավման հետ կապված դեսպանությունը կտրամադրի լրացուցիչ տեղեկություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր