Հայտարարություն

12 մարտի, 2020

Հարգելի հայրենակիցներ,

Հաշվի առնելով Չինաստանում և մի շարք այլ երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ դեսպանությունը բազմիցս հորդորել է քաղաքացիներին տրամադրել տեղեկություն իրենց գտնվելու վայրի վերաբերյալ՝ ուղարկելով անհրաժեշտ տվյալները։ Շատերը հետևել են հորդորին, ինչի համար շնորհակալություն ենք հայտնում։

Հետագայում որևէ արտակարգ իրավիճակում քաղաքացիների հետ կապ պահպանելու և անհրաժեշտ աջակցություն ցուցաբերելու նպատակով դեսպանությունը կոչ է անում դեսպանության հյուպատոսական տիրույթում (Չինաստան, Թաիլանդ, Մոնղոլիա) գտնվող ՀՀ քաղաքացիներին կանգնել հյուպատոսական հաշվառման։

Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը։ Այն չի առաջացնում որևէ բնույթի պարտականություն քաղաքացու համար։
Ներկայացնում ենք հյուպատոսական հաշվառման ավտոմատացված համակարգի հղումը՝ https://www.mfa.am/hy/consular-registration/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր