Հայտարարություն

15 մարտի, 2020

Հարգելի հայրենակիցներ,

Հաշվի առնելով այն հանգամանքը, որ շատերիդ հետաքրքրում է Չինաստանում ուսումնական հաստատությունների վերաբացման խնդիրը, Ձեր ուշադրությանն ենք ներկայացնում ՉԺՀ Կրթության նախարարության կողմից փոխանցված հետևյալ պաշտոնական տեղեկատվությունը՝ կրթօջախների վերաբացման վերաբերյալ։

Սինձյան-Ույղուրական ինքնավար շրջանի նախնական և միջին դպրոցները, ինչպես նաև միջին մասնագիտական ուսումնարաններն իրենց աշխատանքները կվերսկսեն մարտի 23-ից, իսկ միջին դպրոցների ավարտական դասարանները՝ մարտի 16-ից։
Ցինխայ նահանգի բարձր դասի միջին դպրոցները, ինչպես նաև միջին մասնագիտական ուսումնարաններն իրենց աշխատանքները վերսկսել են մարտի 9-ից 13-ը ընկած ժամանակահատվածում, իսկ միջին դպրոցների առաջին դասը կվերսկսկի իր աշխատանքները մարտի 16-ից 20-ը։
Գուջոու նահանգում առաջին դասի միջին դպրոցի ավարտական դասարանները, միջին դպրոցի բարձր դասերը, ինչպես նաև միջին մասնագիտական ուսումնարանները կաշխատեն մարտի 16-ից։
Շանսի նահանգի միջին դպրոցների բարձրագույն դասերը, միջին դպրոցի ավարտական դասերի վերին աստիճանը կվերսկսեն աշխատանքները մարտի 25-ից։
Յուննան նահանգի միջին դպրոցների առաջին, երկրորդ և բարձր դասի ավարտական դասարանները՝ մարտի 23-ից, իսկ նախնական և միջին դպրոցները՝ մարտի 30-ից։

Հարկ է նշել որ, Շանդոն նահանգի կրթության վարչությունը հերքել է կրթօջախներ վերաբացման մասին սոցցանցերում շրջանառվող տեղեկատվությունը։

Տեղեկացնում ենք, որ Չինաստան Կրթության նախարարության հաղորդած տեղեկության համաձայն, բարձրագույն կրթական հաստատություններում՝ համալսարաններում դասերը կվերսկսվեն միջնակարգ դպրոցների աշխատանքների վերսկսումից անմիջապես հետո, քանի որ ԲՈւՀ-երի աշխատանքի վերսկսումը կապված է նաև մարդկանց միջնահանգային տեղաշարժի խնդիրների հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր