Հայտարարություն

23 մարտի, 2020

Ուշադրություն ՉԺՀ ժամանողներնին

Հարգելի հայրենակիցներ,

Տեղեկացնում ենք, որ կորոնավիրուսի՝ դրսից բերովի դեպքերի գրանցման հանգամանքով պայմանավորված, չինական իշխանությունները կիրառել են որոշակի լրացուցիչ խստացումներ՝ քաղաքացիների ժամանման հետ կապված։ Այսպես՝ մարտի 23-ի կեսգիշերից սկսած բոլոր Պեկին ժամանկող միջազգային չվերթները վայրէջք են կատարելու հետևյալ 12 քաղաքների օդանավակայաններում՝ Թիենձին, Շիծիաճուանգ, Թաիյուան, Հոհոտ, Շանհայ, Ծինան, Ցինդաո, Նանջինգ, Շենյանգ,Դալիան, Ճենճոու, Սիան։ Համապատասխան ստուգումներ անցնելուց հետո ուղևորները կուղեկցվեն դեպի իրենց երթուղու վերջնակետը։ Պեկին ժամանողները պետք է անցնեն 14-օրյա պարտադիր կարանտին։ Այլ քաղաքներ մեկնողները պարտավոր են ենթարկվել տվյալ նահանգում/քաղաքում գործող կարանտինային կանոններին։

Նշված քաղաքների ցանկը ենթակա է փոփոխման, ուստի խնդրում ենք ճամփորդություն պլանավորելուց առաջ հաշվի առնել անկանխատեսելի փոփոխությունների հնարավորությունը։ Առաջիկայում նախատեսվող փոփոխություններին ծանոթ լինելու համար խնդրում ենք նաև ստուգել ավիաընկերությունների պաշտոնական կայքերը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր