Հայտարարություն

03 հուլիսի, 2020

Հարգելի հայրենակիցներ,

Ի լրումն դեսպանության կայքում տեղ գտած ս.թ. հունիսի 1-ի հայտարարության, տեղեկացնում ենք, որ համաձայն ՉԺՀ ԱԳՆ Հյուպատոսական վարչության կողմից տրամադրված տեղեկության՝ ՀՀ քաղաքացիները կարող են անարգելք հատել ՉԺՀ սահմանը և մուտք գործել երկիր՝ բնականաբար պահպանելով ՉԺՀ իշխանությունների կողմից սահմանված կանոնները. այն է՝ լրացնել համապատասխան ձև՝ առողջական վիճակի մասին, ապա պետության կողմից նախանշված վայրում անցնել 14-օրյա կարանտին, որին կհաջորդի թեստավորումը։ Կարանտինը և թեստավորումը անց են կացվում քաղաքացու սեփական միջոցների հաշվին։ Կախված նաև այն հանգամանքից, թե տվյալ քաղաքացին որ երկրից է մուտք գործել Չինաստան, կարող են առաջանալ լրացուցիչ պահանջներ՝ կապված կարանտինի ժամկետի երկարաձգման կամ կրկնակի թեստավորման հետ։ Այս պահանջը, սակայն, ենթակա է փոփոխության՝ պայմանավորված ժամանման երկրում տիրող համաճարակային իրավիճակով։
Միևնույն ժամանակ տեղեկացնում ենք, որ համաձայն ՉԺՀ ԱԳՆ-ի, այն քաղաքացիները, որոնք ունեն գործող մուտքի արտոնագրեր ինչպես նաև կեցության իրավունք, պահպանում են դրանցից օգտվելու իրավունքը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր