Ս.թ. օգոստոսի 17-ից 19-ը ՉԺՀ-ում ՀՀ դեսպան Սերգեյ Մանասարյանը, աշխատանքային այց է կատարել ՉԺՀ Ցինդաո քաղաք

20 օգոստոսի, 2020

Ս.թ. օգոստոսի 17-ից 19-ը ՉԺՀ-ում ՀՀ դեսպան Սերգեյ Մանասարյանը՝ ՇՀԿ տարածաշրջանային տնտեսական և առևտրային համագործակցության Ցինդաոյի ցուցադրման գոտու ղեկավարության հրավերով, աշխատանքային այց է կատարել ՉԺՀ Ցինդաո քաղաք։

Դեսպանն այցելել է ՇՀԿ տարածաշրջանային տնտեսական և առևտրային համագործակցության ցուցադրման գոտի, շրջայց կատարել ցուցադրման գոտու տաղավարներում, ծանոթացել նշյալ մարմնի աշխատանքներին, դիտարկել հայկական արտադրանքի՝ ցուցադրման գոտում ներառելու հնարավորությունները։ Նույն օրը դեսպանը հանդիպում է ունեցել Ցինդաոյի փոխքաղաքապետ, կուսակցական քարտուղար, Չինաստան-ՇՀԿ տնտեսական և առևտրային համագործակցության ցուցադրման գոտու ղեկավար Լիու Ծիանծունի հետ։ Հանդիպման ընթացքում քննարկվել են ցուցադման գոտում հայկական արտադրանքի ցուցադրման, ինչպես նաև Երևանի և Ցինդաոյի միջև քույր-քաղաքների կարգավիճակի հաստատման համաձայնագրի ստորագրման հնարավորությունները։ Քույր քաղաքների հաստատման փաստաթղթի ստորագրումը նախատեսված էր 2020թ. սկզբին, սակայն հաշվի առնելով համաճարակային իրավիճակը, պատվիրակության այց հնարավոր չեղավ իրականացնել։

Օգոստոսի 19-ին դեսպան Մանասարյանը հանդիպել է Ցինդաոյի Մունիցիպալ կառավարության Առևտրի Բյուրոյի ղեկավար տիկին Լի Սումանի հետ։ Հանդիպումն անցել է ջերմ և կառուցողական մթնոլորտում։ Քննարկվել են երկկողմ կարորություն ունեցող մի շարք հարցեր, այդ թվում տնտեսական համագործակցության խորացման հարցը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր