Ապրիլի 24-ին Չինաստանում ՀՀ դեսպանությունում կազմակերպվեց Հայոց ցեղասպանության 106-րդ տարելիցին նվիրված միջոցառում

24 ապրիլի, 2021

Ապրիլի 24-ին Չինաստանում ՀՀ դեսպանությունում կազմակերպվեց Հայոց ցեղասպանության 106-րդ տարելիցին նվիրված միջոցառում։

Միջոցառմանը մասնակցեցին դեսպանության դիվանագետները, Պեկինի և Չինաստանի տարբեր համալսարանների հայ ուսանողներ, գործարարներ, Չինաստանում ժամանակավորապես բնակվող Հայաստանի քաղաքացիներ։

Հիշատակի միջոցառման սկզբում ներկաները դեսպանության տարածքում տեղադրված խաչքարի մոտ կատարեցին ծաղիկների զետեղման և խնկարկման արարողություն, տեղի ունեցավ մոմավառություն։

Դեսպանության ընդունելությունների սրահում մեկ րոպե լռությամբ հարգվեց Հայոց ցեղասպանության զոհերի և 2020թ. պատերազմի ընթացքում զոհված հայորդիների հիշատակը, որից հետո մասնակիցներին ողջունեց և ելույթով հանդես եկավ ՉԺՀ-ում ՀՀ դեսպան Սերգեյ Մանասարյանը։

Դեսպանության գլխավոր դարպասի վրա տեղադրված է Հայոց ցեղասպանության մասին տեղեկատվական պաստառ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր