Հայոց ցեղասպանության զոհերի հիշատակին նվիրված միջոցառում

24 ապրիլի, 2022

Ապրիլի 24-ին Չինաստանում Հայաստանի դեսպանությունում տեղի ունեցավ Հայոց ցեղասպանության 107-րդ տարելիցին նվիրված միջոցառում։

Միջոցառմանը մասնակցեցին դեսպանության անձնակազմը, Պեկինի տարբեր համալսարանների հայ ուսանողներ, գործարարներ, Չինաստանում ժամանակավորապես բնակվող Հայաստանի քաղաքացիներ։

Միջոցառումը մեկնարկեց դեսպանության տարածքում խաչքարի մոտ ծաղիկների տեղադրման և խնկարկման արարողությամբ, ինչին հետևեց մոմավառություն։

Դեսպանության ընդունելությունների սրահում ներկաները մեկ րոպե լռությամբ հարգեցին Հայոց ցեղասպանության զոհերի և 2020թ. 44-օրյա պատերազմում անմահացած հայորդիների հիշատակը, որից հետո մասնակիցներին ողջունեց և ելույթով հանդես եկավ ՉԺՀ-ում ՀՀ դեսպան Սերգեյ Մանասարյանը։ Իր խոսքում դեսպանն ընդգծեց Հայոց ցեղասպանության միջազգային ճանաչման և կանխարգելման օրակարգի առաջմղման կարևորութունը ՀՀ արտաքին քաղաքական օրակարգում։

Դեսպանության գլխավոր դարպասի վրա փակցվել է Հայոց ցեղասպանության մասին տեղեկատվական պաստառ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր