Համերգ-ցուցահանդես` նվիրված հայ-չինական դիվանագիտական հարաբերությունների հաստատման 31-ամյակին

21 հունիսի, 2023

Հունիսի 21-ին ՉԺՀ-ում ՀՀ դեսպանությունը Պեկինի «Ծինթայ» արվեստի թանգարանում կազմակերպել է դասական երաժշտության համերգ-ցուցահանդես` նվիրված հայ-չինական դիվանագիտական հարաբերությունների հաստատման 31-ամյակին։ Համերգի ընթացքում հայ և չին երաժիշտները ներկայացրել են հայկական և չինական դասական ստեղծագործություններ, հանդես եկել համատեղ կատարումներով։ Ցուցահանդեսին ներկայացված են եղել հայազգի նկարիչ Գագիկ Ավետիսյանի և նրա նախաձեռնությամբ Հայաստան մեկնած ու հայկական բնաշխարհը պատկերած չին նկարիչների ստեղծագործությունները։

Միջոցառմանը հրավիրված են եղել բարձրաստիճան դիվանագետներ ՉԺՀ ԱԳՆ-ից, դեսպաններ, դիվանագետներ, չին հասարակական-քաղաքական գործիչներ, հայ և չին ուսանողներ, ԶԼՄ ներկայացուցիչներ։

Ներկաներին ուղղված ողջույնի խոսքով հանդես են եկել «Ծինթայ» թանգարանի տնօրեն վարպետ Յուան Սիկունը և դեսպան Ս.Մանասարյանը։ Իր ելույթի ընթացքում դեսպան Մանասարյանը ՀՀ-ում ՉԺՀ նախկին դեսպան Թիեն Չանչունին է շնորհել «Մխիթար Գոշի» մեդալը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր