Հայ-չինական համատեղ ցուցահանդեսի վերաբերյալ

29 հունիսի, 2023

Հունիսի 29-ին Պեկինի «Շուբո արվեստի թանգարանում» (Shoubo Art Museum) տեղի է ունեցել «Անսահման սեր, անսահման արվեստ» խորագիրը կրող հայ-չինական համատեղ ցուցահանդեսը։ Ցուցահանդեսը կազմակերպվել է ՉԺՀ-ում ՀՀ դեսպանության և «Haidi International Culture Communication» ընկերության համատեղ ջանքերով։

Ցուցահանդեսին ներկայացված են եղել Մարտիրոս Սարյանի, Մինաս Ավետիսյանի կտավների պատճեններից, ժամանակակից հայ կերպարվեստի ներկայացուցիչ Ալեքսանդր Դերոյանի աշխատանքներից, ինչպես նաև չին անվանի նկարիչ Լի Գուանհանի նկարներից։

Միջոցառմանը հրավիրված են եղել արվեստի ներկայացուցիչների, հասարակական-քաղաքական գործիչներ և ԶԼՄ-ներ։

Ցուցահանդեսի ընթացքում դեսպան Ս.Մանասարյանը հանդես է եկել հայ կերպարվեստի մասին պատմող բովանդակալից ելույթով։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր