Հանդիպում ՉԺՀ-ում սովորող հայ ուսանողների հետ

08 նոյեմբերի, 2023

Ս.թ. նոյեմբերի 8-ին ՉԺՀ-ում ՀՀ դեսպանությունում տեղի Է ունեցել հանդիպում Պեկինի և Թիենծինի բարձրագույն ուսումնական հաստատություններում սովորող ՀՀ ուսանողների հետ։ Հանդիպմանը տեսակապով միացել են նաև Չինաստանի այլ քաղաքների ՀՀ ուսանողներ։

Հանդիպման ընթացքում ուսանողների կողմից հայտարարվել է Չինաստանի հայ ուսանողական միության ստեղծման մասին, որը ղեկավարվելու է ուսանողների կողմից և ունենալու է Չինաստանի հայ ուսանողներին միավորելու, նրանց ազգային արժեքների շուրջ համախմբելու, ակադեմիական գերազանցությունն ու անձնական աճը խթանելու առաքելություն։

Ողջունելով հանդիպման մասնակիցներին՝ դեսպան Ս.Մանասարյանը բարձր է գնահատել նախաձեռնությունը՝ հույս հայտնելով, որ նորաստեղծ միությունը կծառայի իր նպատակներին և համախմբող դեր կկատարի Չինաստանում գտնվող հայ ուսանողների համար։ Դեսպանը նշել է, որ ՉԺՀ-ում ՀՀ դեսպանությունը պատրաստակամ է աջակցել միությանը և սերտ կապ պահպանել վերջինիս հետ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր