ԵՊՀ պատվիրակության այցը Չինաստան

18 հոկտեմբերի, 2024

Հոկտեմբերի 15-18-ը տեղի է ունեցել ԵՊՀ ռեկտոր Հովհաննես Հովհաննիսյանի գլխավորած պատվիրակության այցը Պեկին, որի շրջանականերում Չինաստանի միջազգային հետազոտությունների ինստիտուտում (ՉՄՀԻ) և Հասարակական գիտությունների չինական ակադեմիայի Ռուսաստանի, Արևելյան Եվրոպայի և Կենտրոնական Ասիայի ինստիտուտում (ՌԱԵԿԱԻ) տեղի ունեցած հանդիպումներին մասնակցել է նաև ՉԺՀ-ում ՀՀ դեսպան Վահե Գևորգյանը։

Հոկտեմբերի 16-ին հայկական պատվիրակությունը ՉԺՀ ԱԳՆ-ին կից գործող Չինաստանի միջազգային հետազոտությունների ինստիտուտում հանդիպել է ինստիտուտի նախագահ, Դիվանագիտության վերաբերյալ Սի Ծինփինի մտքերի հետազոտությունների կենտրոնի գլխավոր քարտուղար, դեսպան Չեն Բոյի և ինստիտուտի ղեկավարության հետ, իսկ հոկտեմբերի 18-ին Ռուսաստանի, Արևելյան Եվրոպայի և Կենտրոնական Ասիայի ինստիտուտում՝ տնօրեն Սուն Ճուանճիի և ինստիտուտի ստորաբաժանումների ղեկավարների հետ։

Երկու ինստիտուտներում քննարկվել են համագործակցության խորացմանն առնչվող հարցեր։ Հանդիպումներին չինական կողմի խնդրանքով՝ դեսպան Վահե Գևորգյանը ներկայացրել է ՀՀ արտաքին քաղաքականության գերակայությունները, պատասխանել ներկաներին հետաքրքրող հարցերին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր