Հայոց ցեղասպանության 110-րդ տարելիցին նվիրված միջոցառում Պեկինում

24 ապրիլի, 2025

Ապրիլի 24-ին Չինաստանում ՀՀ դեսպանությունում տեղի ունեցավ Հայոց ցեղասպանության 110-րդ տարելիցին նվիրված հիշատակի միջոցառում։

Միջոցառումը մեկնարկեց դեսպանության տարածքում խաչքարի մոտ ծաղիկների խոնարհման և խնկարկման արարողությամբ, որին հետևեց մոմավառություն։

Հաջորդիվ ներկաներն ունկնդրեցին հատված Կոմիտասի մասին պատմող «Վարդապետը» փաստավավերագրական ֆիլմից, որին հաջորդեց Չինաստանում ՀՀ դեսպան Վահե Գևորգյանի ելույթը:

Դեսպանն իր խոսքում ոգեկոչեց Հայոց ցեղասպանության զոհերի հիշատակը, անդրադարձ կատարվեց ցեղասպանությունը վերապրածների՝ հայկական պետականության վերականգնման, հայ ժողովրդի հոգևոր, տնտեսական և մշակութային վերածննդին ուղղված ջանքերին:

Միջոցառմանը ներկա էր դեսպանության անձնակազմը, Պեկինի տարբեր համալսարաններում կրթություն ստացող հայ ուսանողներ, այլ ՀՀ քաղաքացիներ և ազգությամբ հայեր:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր