Պեկինում ազդարարվել է Արամ Խաչատրյանի անվան պատանեկան 2-րդ միջազգային մրցույթի մեկնարկը

26 հունվարի, 2026

Հունվարի 26-ին ՉԺՀ մայրաքաղաք Պեկինում՝ Չինաստանի ազգային օպերայի թատրոնի շենքում, կայացել է «Արամ Խաչատրյանի անվան պատանեկան 2-րդ միջազգային մրցույթ»-ի հարցերով մամուլի ասուլիսը, որին մասնակցել են «Արամ Խաչատրյան» մշակութային հիմնադրամի գործադիր տնօրեն Մարտին Թովմասյանը, Չինաստանի ազգային օպերայի թատրոնի տնօրեն և մրցույթի պատվավոր գեղարվեստական ղեկավար Լյու Յունճըն, ՉԺՀ-ում ՀՀ դեսպանության երկրորդ քարտուղար Միսակ Բալայանը և «Ջինգշե մշակութային և կրթական միջազգային խմբի» գլխավոր տնօրենի տեղակալը։

Մամուլիս ասուլիսի ընթացքում պաշտոնապես ազդարարվել թ «Արամ Խաչատրյանի անվան պատանեկան 2-րդ միջազգային մրցույթ»-ի անցկացման մասին, որը կկայանա ընթացիկ տարվա նոյեմբերին Պեկինում։ Մրցույթը հանդիսանում է «Միջազգային երաժշտական մրցույթների համաշխարհային ֆեդերացիայի /WFIMC/» անդամ։

2023թ․ ի վեր Չինաստանում անցկացվող «Արամ Խաչատրյանի անվան միջազգային մրցույթ»-ը կազմակերպվում է «Արամ Խաչատրյան» մշակութային հիմնադրամի կողմից՝ Հայաստանի Հանրապետության կրթության, գիտության, մշակույթի և սպորտի նախարարության, «Ծինսը մշակութային և կրթական միջազգային խմբի», Չինաստանի ազգային օպերայի թատրոնի և ՉԺՀ-ում ՀՀ դեսպանության հետ համագործակցությամբ։

2026թ․ մրցույթն առանձնահատուկ է նրանով, որ առաջին անգամ կընդլայնվի վերջինիս աշխարհագրությունն ու կավելանան մասնակցության ձևաչափերը՝ ներառելով աշխարհի տարբեր տարածաշրջաններում անցկացվող առդեմ նախընտրական փուլեր, ինչպես նաև հանրային մասնակցության նոր մեխանիզմներ՝ ի դեմս առցանց քվեարկության և հանդիսատեսի մրցանակի։ Տարբեր տարածաշրջաններում նախընտրական մրցույթները տեղի կունենան 2026թ․ հուլիսից սեպտեմբեր ընկած ժամանակահատվածում, և ընտրված թեկնածուները կմասնակցեն նոյեմբերին Պեկինում կայանալիք եզրափակիչ փուլին։ Առաջին անգամ միջազգային առաջատար երաժիշտներից կազմված հեղինակավոր ժյուրիի կողմից մասնագիտական գնահատականից բացի համաշխարհային լսարանը ևս հնարավորություն կունենա ուղիղ հեռարձակմամբ դիտել «Արամ Խաչատրյանի անվան պատանեկան 2-րդ միջազգային մրցույթ»-ը և առցանց քվեարկել:

Մրցութային փուլերին մասնակցելու են Պեկինի ազգային օպերային թատրոնի և Հայաստանի պետական սիմֆոնիկ նվագախմբերը՝ նվագախմբի հիմնադիր-գեղարվեստական ղեկավար և գլխավոր դիրիժոր Սերգեյ Սմբատյանի ղեկավարությամբ։ Մրցույթին կարող են մասնակցել մինչև 18 տարեկան պատանի երաժիշտները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր