ՀՀ դեսպան Վահե Գևորգյանը մասնակցել է «Թանգարանների ղեկավարների համաշխարհային չորրորդ համաժողով»-ին

11 հունիսի, 2026

2026թ․ հունիսի 10-ին ՉԺՀ-ում ՀՀ դեսպան Վահե Գևորգյանը մասնակցել է Քաղաքակրթությունների միջև երկխոսության միջազգային օրվա կապակցությամբ Չինաստանի ազգային թանգարանում կայացած «Թանգարանների ղեկավարների համաշխարհային չորրորդ համաժողով»-ին, որն անցկացվել է «Քաղաքակրթությունների միջև երկխոսություն հանուն ընդհանուր ապագայի» խորագրի ներքո։

Համաժողովին բացման խոսքով է հանդես եկել ՉԺՀ մշակույթի և զբոսաշրջության նախարարի տեղակալ Ռաո Սուանը՝ իր ելույթում կարևորելով թանգարանային ոլորտի զարգացման անհրաժեշտությունը, և այդ ուղղությամբ տարբեր երկրների և քաղաքակրթությունների միջև համագործակցությունն ու փորձի փոխանակումը։

Համաժողովի շրջանակներում անցկացված «Համագործակցային զարգացում․ բացահայտելով թանգարանների միջև համագործակցության համաշխարհային ցանցը և նոր մեխանիզմները» խորագրով պանելային քննարկմանն է մասնակցել նաև Հայաստանի պատմության թանգարանի գիտական գծով ղեկավարի տեղակալ Նժդեհ Երանյանը։

Միջոցառման ընթացքում տեղի է ունեցել «Գոտի և ճանապարհ թվային թանգարան» ծրագրի բացման պաշտոնական արարողությունը, որի էությունը բաց, բազմատեսակ և ինտերակտիվ հարթակի ստեղծումն է՝ քաղաքակրթությունների միջև փոխադարձ ուսուցման նպատակով։

Միջոցառմանը ներկա են գտնվել շուրջ 20 երկրների մոտ 50 ազգային և միջազգային մշակութային հաստատությունների և թանգարանների ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր