Դեսպան Սերգեյ Մանասարյանն իր հավատարմագիրը հանձնեց Չինաստանի նախագահին

17 մայիսի, 2016

Դեսպան Սերգեյ Մանասարյանն իր հավատարմագիրը հանձնեց Չինաստանի նախագահին

Չինաստանում Հայաստանի Հանրապետության նորանշանակ դեսպան Սերգեյ Մանասարյանը մայիսի 17-ին իր հավատարմագրերը հանձնեց Չինաստանի Ժողովրդական Հանրապետության Նախագահ Սի Ձինփինին։

Հանդիսավոր արարողութանը հաջորդած կարճատև առանձնազրույցի ընթացքում ՉԺՀ Նախագահ Սի Ձինփինը շնորհավորեց դեսպանին նշանակման կապակցությամբ՝ մաղթելով արդյունավետ աշխատանք երկկողմ հարաբերությունների հետագա զարգացման գործում։

Նախագահ Սի Ձինփինը անդրադարձավ անցյալ տարի ՀՀ Նախագահի Չինաստան այցին, նշելով, որ իրենք բարձր են գնահատում չին-հայկական ավանդական ամուր բարեկամությունը և հետևողական են նախագահների միջև ձեռք բերված պայմանավործությունների իրականացման գործում։

Դեսպան Մանասարյանը շնորհակալություն հայտնեց ջերմ խոսքերի համար և հավաստիացրեց, որ իր առաքելության ընթացքում կներդնի առավելագույն ջանքերը՝ երկու երկրների միջև արդեն իսկ ձևավորված բարեկամական հարաբերությունները բոլոր բնագավառներում խորացնելու և ամրապնդելու ուղղությամբ։

Դեսպան Մանասարյանը ՉԺՀ Նախագահին փոխանցեց ՀՀ Նախագահ Սերժ Սարգսյանի ողջույնները, ինչպես նաև վերահաստատեց ՉԺՀ Նախագահին ուղղված ՀՀ Նախագահի Հայաստան այցելելու հրավերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր