Դեսպան Վահե Գևորգյանը մասնակցել է Կենսաբազմազանության միջազգային օրվան նվիրված միջոցառմանը

22 մայիսի, 2025

Մայիսի 22-ին ՉԺՀ-ում ՀՀ դեսպան Վահե Գևորգյանը Հեյլունծիան նահանգի Իչուն քաղաքում մասնակցել և ելույթով է հանդես եկել Կենսաբազմազանության միջազգային օրվան նվիրված միջոցառմանը, որը կազմակերպվել էր ՉԺՀ բնապահպանության և շրջակա միջավայրի նախարարության կողմից՝ նպատակ ունենալով բարձրացնել հանրային իրազեկվածությունը կենսաբազմազանության պահպանման կարևորության մասին։

Իր ելույթում դեսպան Գևորգյանը, խոսելով կլիմայի փոփոխության, կենսաբազմազանության կորստի, աղտոտման, անտառահատման և այլ բնապահպանական խնդիրների լուծման հրամայականի մասին, կարևորել է էկոհամակարգերն ու բնական ռեսուրսները պահպանելու, վերականգնելու և կայուն օգտագործելու գործում միջազգային ջանքերի ապահովման անհրաժեշտությունը։

ՀՀ դեսպանը նշել է, որ Հայաստանը 2026թ․ պատրաստվում է հյուրընկալել Կենսաբազմազանության մասին կոնվենցիայի կողմերի 17-րդ համաժողովը (COP17)՝ ընդգծելով, որ ներառական և արդյունավետ համաժողով կազմակերպելլու համար ՀՀ-ն պատրաստ է աշխատել բոլոր շահագրգիռ կողմերի հետ և նպաստել Կենսաբազմազանության մասին կոնվենցիայի, դրա արձանագրությունների և Կունմին-Մոնրեալ գլոբալ շրջանակի իրականացմանը։

Միջոցառմանը մասնակցել են նաև ՉԺՀ-ում ԵՄ դեսպանը և ՄԱԿ-ի Զարգացման ծրագրի (UNDP) պեկինյան գրասենյակի ներկայացուցիչը։

Չինական «CCTV 13» պետական հեռուստաընկերության անդրադարձը միջոցառմանը՝ https://surl.li/flwyii

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր